حكم العطور النسائيه

أختي الكريمة .. اوعي تكوني بتقولي أنا مسلمــــــة أشهد أن لا إله إلا الله وأن محمد رسول الله ؛ وأنت لا تلتزمي بما قاله محمد صلى الله عليه وسلم
اوعي تكوني بتقولي أنا ملتزمة بتعاليم ديني بصلي وبصوم وبتصدق ولابسة حجاب ؛ وانتي بتضيعي أجر كل ده بمعصية الرسول
اوعي تكوني من اللي بيسمعوا كلام الله والرسول ويقولوا سمعنا .. وعصينـــا
★★★★★★★★
: قال رسول الله صلى الله عليه وسلم
ا(( أيما امـــرأة استعطـــرت فمرت على قــــوم فيجدوا ريحهــا فهي زانيـــة ))ا
حديث صحيـــــح - رواه أبو داود والترمذي وصححه الألباني
★★★★★★★★
اوعي ترفضي أمر رسولك وتقولي أصل الريحة خفيفة مش باينة ، ودي نضافة يعني امشي ريحتي مقرفة ؟
أو تقولي أنا حطاها لنفسي مش قصدي ألفت بيه انتباه الشباب ولا أي حد
أو تقولي اشمعنى يعني الشباب بيحطوا وريحتهم بتبقى مالية المكان
وحجج تانية كتير وكل واحدة بتلاقي حجة تتحجج بيها
في معاصي(هي شيفاها صغيرة) وبتجمع وتتجمع وتتجمع فتصبح كبيــــــــرة
اتقـــــــوا الله يا مسلمات .. اتقوا الله وماتتحججوش بالحــر وريحة الناس
يا أختي الكريمة .. النظافة مش بريحة جذابة تشد الانتباه !!!ا
اللي عايزة تبقى نضيفة هاتبقى نضيفة .. مش البرفيوم اللي هايخليها نضيفة !!ا
والشاب بيُفتن بعينه والريحه قد تجذبه فينتبه للبنت وقد يتمنى ويتخيل ويشتهي ما هو محرم عليه لمجرد ريحة "خفيفة" جذابة .. إنما البنت لو انتبهت لرائحة الشاب فلن تتمنى وتشتهى ما قد يشتهيه هو ... فهمتوني ؟؟؟
( إن لم تحفظي نفسك بنفسك .. فلن يحفظك غيرك )
الحديث صحيح ... وكل واحد شهد بنبوة محمد صلى الله عليه وسلم ولم يلتزم بأوامره هايشيل ذنبه ومش هاتنفعه مبرراته وحججه يوم الحساب
تخيلي لو في انتي حطيتي العطر ونزلتي وقاعدة في مواصلات أو سوق أو جامعة أو عمل .. كم رجل يمر عليكي وقد (قد) يشم رائحة عطرك ؟؟
ها .. هاتقبلي أن تحملي ذنب زانيـــــــة من "كل واحد" يشم ريحة البرفيوم بتاعك في سكتك من أول ما خرجتي من البيت لحد ما رجعتي ؟؟؟
قال الرقيب سبحانه وتعالى :
(( وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا ۚ وَاتَّقُوا اللَّهَ ۖ إِنَّ اللَّهَ شَدِيدُ الْعِقَابِ )) الحشر:7
هو سؤال واحد .... هاتقولي لربنا إيه يوم ما يسألك : عملتي كده ليه وأنا أمرتك بطـــــــــاعة الرسول ؟؟
يَا أَيُّهَا الَّذِينَ آمَنُوا : أَطِيعُوا اللَّهَ وَرَسُولَهُ وَلَا تَوَلَّوْا عَنْهُ وَأَنْتُمْ تَسْمَعُونَ
وَلَا تَكُونُوا كَالَّذِينَ قَالُوا : سَمِعْنَا وَهُمْ لَا يَسْمَعُونَ
إِنَّ شَرَّ الدَّوَابِّ عِنْدَ اللَّهِ الصُّمُّ الْبُكْمُ الَّذِينَ لَا يَعْقِلُونَ